టీ20 వరల్డ్ కప్ 2026: సెమీస్‌లో వాన పడితే ఎవరికి లాభం?

టీ20 వరల్డ్ కప్ 2026 ఇక క్లైమాక్స్‌కి వచ్చేసింది. మార్చి 5న ముంబై వాంఖడే స్టేడియంలో జరగనున్న రెండో సెమీఫైనల్‌లో భారత్, ఇంగ్లాండ్ జట్లు అమీతుమీ తేల్చుకోనున్నాయి. అయితే, ఈ మెగా మ్యాచ్‌కు ముందు అభిమానుల్లో ఒకటే టెన్షన్.. ఒకవేళ సెమీస్‌లో వాన పడితే ఫైనల్‌కు వెళ్లేది ఎవరు? సూపర్-8 రికార్డులను బట్టే ఫైనల్ బెర్త్‌ను డిసైడ్ చేస్తారా?

టీ20 వరల్డ్ కప్ 2026 తుది దశకు చేరుకుంది. మార్చి 5న ముంబై వాంఖడే స్టేడియంలో జరిగే రెండో సెమీఫైనల్‌లో ఇండియా, ఇంగ్లాండ్ జట్లు తలపడబోతున్నాయి. అయితే, ఈ భారీ మ్యాచ్‌కు ముందు అభిమానులందరినీ ఒకటే విషయం టెన్షన్ పెడుతోంది.. ఒకవేళ మ్యాచ్‌కు వర్షం అడ్డుపడితే పరిస్థితి ఏంటి? ఎవరు గెలిచారో ఎలా డిసైడ్ చేస్తారు? ఫైనల్‌కు ఏ టీమ్ వెళ్తుంది? దీనిపై ఐసీసీ రూల్స్ ఏం చెబుతున్నాయో అందరికీ అర్థమయ్యేలా చాలా సింపుల్‌గా చూద్దాం.

నాకౌట్ మ్యాచ్‌ల కోసం ఐసీసీ ప్రత్యేకంగా ‘రిజర్వ్ డే’ రూల్ తీసుకొచ్చింది. అంటే, మార్చి 5న వర్షం వల్ల మ్యాచ్ జరగకపోతే, మరుసటి రోజు (మార్చి 6న) ఆడిస్తారు. ఒకవేళ 5న మ్యాచ్ మొదలయ్యాక మధ్యలో వానొస్తే.. ఆట ఎక్కడైతే ఆగిపోయిందో అక్కడి నుంచే రిజర్వ్ డే రోజు కంటిన్యూ చేస్తారు. మ్యాచ్ ఫలితం మైదానంలోనే తేలాలన్నది ఐసీసీ ఉద్దేశం. కానీ, ఏమాత్రం అదృష్టం కలిసిరాక రెండు రోజులూ (మార్చి 5, 6 తేదీల్లో) వర్షం పడి, ఒక్క బంతి కూడా పడకుండా మ్యాచ్ పూర్తిగా రద్దయితే మాత్రం.. టీమిండియాకు పెద్ద షాక్ తగిలే ఛాన్స్ ఉంది.

ఐసీసీ రూల్స్ ప్రకారం.. రెండు రోజులూ వాన వల్ల అసలు ఆటే జరగకపోతే, సూపర్-8లో ఎవరి రికార్డ్ బాగుంటే వాళ్లకే ఫైనల్ టికెట్ దక్కుతుంది. సరిగ్గా ఇక్కడే మన టీమిండియాకు పెద్ద చిక్కు వచ్చి పడింది. ఎందుకంటే, సూపర్-8లో ఇంగ్లాండ్ ఆడిన మూడు మ్యాచ్‌ల్లోనూ గెలిచి టాప్‌లో ఉంది. కానీ భారత్ రెండింట్లో మాత్రమే గెలిచి ఒకదాంట్లో ఓడిపోయింది.

ఈ లెక్కన చూసుకుంటే, వర్షం వల్ల మ్యాచ్ పూర్తిగా రద్దయితే మాత్రం ఇంగ్లాండ్ డైరెక్ట్‌గా ఫైనల్‌కు వెళ్లిపోతుంది. అందుకే, మ్యాచ్ రోజున అసలు వర్షం పడకూడదంటూ భారత క్రికెట్ ఫ్యాన్స్ అంతా ఇప్పుడు దేవుణ్ని ప్రార్థిస్తున్నారు.

ఇండియా, ఇంగ్లాండ్ మధ్య టీ20 పోరు అంటేనే ఎప్పుడూ ఓ రేంజ్ ఉత్కంఠ ఉంటుంది. ఇప్పటివరకు ఈ రెండు టీమ్స్ 29 సార్లు తలపడగా.. భారత్ 17 సార్లు, ఇంగ్లాండ్ 12 సార్లు గెలిచాయి. ఇక వరల్డ్ కప్ హిస్టరీ చూసుకుంటే.. 2022 సెమీస్‌లో ఇంగ్లాండ్ మనల్ని 10 వికెట్లతో చిత్తు చేయగా, 2024 సెమీస్‌లో వాళ్లని ఓడించి టీమిండియా గట్టిగానే పగ తీర్చుకుంది. ఇప్పుడు 2026లో ముచ్చటగా మూడోసారి ఈ రెండు జట్లు సెమీస్ సమరానికి సై అంటున్నాయి. మరి ఈసారి అదృష్టం ఎవరిని వరిస్తుందో, వరుణుడు ఎవరిని కరుణిస్తాడో చూడాలి!

మరిన్ని వార్తల కోసం ఇక్కడ క్లిక్ చేయండి